,
Lettre à Jacques-Philippe d'Orville, Groningen, 15 septembre 1741
Viro Celeberrimo et Eruditissimo
Jac. Philippo D'Orville
S.P.D.
Joannes Barbeyracius
Gratias tibi debeo maximas duplici nomine: primum quidem pro
Tomo I. Novarum Observationum Criticarum Miscellanearum , die
tertia Januarii à te, instar Strenatum, ad me misso, qui tamen
duobus aut tribus post mensibus demum in manus meas pervenit:
deinde pro Topographica Mappa Urbis Parisinae; quam nuper
accepi. Id ago nunc, ut per amicum, qui Lutetiae degit,
Viro Amplissimo, a quo donum illud splendidissimum proficiscitur,
quantopere ei obstrictus sim, significem. Ita brevissime
duabus tuis literis postremis, etiam brevissimis, respondere cogunt
nunc temporis angustiae. Bene vale, Vir amicissime, et
me, ut facis, amare perge. Groningae, die XV Septembris
MDCCXLI.
